ភ្នំពេញ៖ អំឡុងពេលអញ្ជើញចូលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំពាក់ព័ន្ធនៅប្រទេសឥណ្ឌូនេស៊ី រដ្ឋមន្ត្រីការបរទេស និងសហប្រតិបត្តិការអន្តរជាតិ លោក សុខ ចិន្តាសោភា នៅថ្ងៃទី៤ ខែកញ្ញា ឆ្នាំ២០២៣ បានជួបពិភាក្សាជាមួយលោកជំទាវ Ana Cecilia Gervasi រដ្ឋមន្ត្រីការបរទេសនៃសាធារណរដ្ឋប៉េរូ នៅរដ្ឋធានីហ្សាការតា។

នាឱកាសនោះ ភាគីទាំងពីរ បានពិភាក្សាផ្តោតទៅលើការរិះរកមធ្យោបាយនានាសម្រាប់ពង្រឹងកិច្ចសហប្រតិបត្តិការទ្វេភាគី ព្រមទាំងកិច្ចសហការក្របខ័ណ្ឌតំបន់។

ជាមួយគ្នានេះដែរ រដ្ឋមន្ត្រីការបរទេសក៏បានចុះហត្ថលេខាលើអនុស្សរណៈយោគយល់គ្នាស្ដីពីការបង្កើតកិច្ចពិគ្រោះយោបល់ទ្វេភាគី រវាងក្រសួងការបរទេសនិងសហប្រតិបត្ដិការអន្ដរជាតិកម្ពុជា និងក្រសួងការបរទេសនៃសាធារណរដ្ឋប៉េរូ៕